| 完結了~~~3年的 Pharmaceutical Science....在2009 這一年(不)完滿結束了 XDDD
3年來 發生的事不算很多很精彩
但心裏面學到/體驗到的卻很多很多
但這3年的Uni Life已經足夠深深的刻在我的memory 裏面了
而這3年裏也多了幾個對我重要的人
我做野咁魯莽~又唔多識好好照顧自己~ 多得呢幾位~~ 如果唔係我死左好耐:
Susie 家姐 因爲從來沒有認過人做家姐 係無法比較下 她應該算是一個好好既家姐吧
知道我發燒在床~特地買罐頭山長水遠帶過來我房間 還包粽 /煲湯 /整糖水
是個好有心思的姐姐
另外分別在保護接送和健康方面成爲我的救命恩人兩次
多得她3 年來一直多多關照 XDDD Benson ~ 從Yr 1 認識了3年.....最佳"飯腳" .....跟他講話很感覺很好
從極度無聊到極度嚴肅的話題 都可以跟他聊
另外最有耐性的一個~~ 幾乎每次穩佢幫手都答應~~ 永遠冇托手掙
特別是在academic 方面 請教功課的最好對象 會好有耐性解答你既問題
有咩唔明要人教或是功課想要有"參考"穩benson 就冇錯ga喇 XDDD
Michael Wong ~~從 Yr 1 就認識的一個 Official Asshole
最高 level 既救命恩人 ~~ 因爲我的關係 他現在handle emergency 已經變得駕輕就熟...
直到現時爲止 已經數不清被他救了多少條命了
另外.....從Yr one 到Yr 3 幫過我既野極之多~~
大大小小經佢手organise 過既野自己幾乎可以放心曬完全唔洗再理
簡直可以話係一個問題解決機
但有時候當 RAM 負擔量過大就會變身為脾氣暴躁阿伯~~然後...發老脾XDDD
還有另一面是無聊白癡仔.....不過有很多喪笑的時刻也是由這而來
然後我就會跟他一起無聊 XDDD
Bobo Lau ~~ Yr 1 的一整年也多得她照顧........bobo那時候是我的"心事分享對象"~~~
跟她有過一段很高興的日子 ~~~ 甚至被感動到.....
到現在對當時我們的角色扮演遊戲還是很深刻
縱使因爲現在關係變得好像有點怪怪的...不知道怎樣表達
但仍然想借個機會跟你說聲謝謝呢
SayYuen ~~ Yr 3 才出現的人....想不到....卻是被她影響得最深
短短一年内那性格上/態度上的轉變程度連我自己也覺得有點誇張
對人對事的honesty 是她最特別的地方 然後聆聽力/ 包容力/EQ/ 耐性/容忍力也是在非人程度
除了日常照顧外 也從她得到了精神上最大的支持和鼓勵
而且還不知不覺被感化了 改過自身 ( = 口 = 我之前是十惡不赦的重犯嗎)
常說我改變了她很多 但其實我被她改變的地方更多........
"相識滿天下 知心能幾人"
我在Uni 的朋友不多 謝謝你們一直的照顧
我認爲我這3年裏的快樂.....其中最大的原因是跟你們做了朋友
Thanks Again ^^ |
| |
| 從傷心.....到認爲自己已經開始習慣.....到後來又發現還是不行.....
我很後悔沒有在你我可以一起談的時候好好的讓你開心
我很後悔在過去說過一些令你難過的話
我很害怕自己一個面對以前的兩個人的回憶
我很害怕以後只可以憑著記憶跟你聊天
看著電腦....看著msn list....看著你的名字.....
猜想著還會不會看到你online 時彈出的那個notice
我真的多麽希望我可以有機會跟你再講一聲 : I need you!
希望你以後過得快樂
|
| |
| 鬧市裏 不起眼的一個他
正用他僅有的力氣來映襯著周遭的繁華 安靜地坐著 看著 他不期望在社會上佔領任何的地位
雖然沒有做什麽 但是 單單的看他一眼
那一瞬間遊人的心裏就會泛起不同的感受
與身邊的奢華形成奇怪的對比
背景神秘 卻無人查問
無論你或我 或其他路人
都可以用一個動作來作爲他當天運氣的指標
爲何有些人上前給他憐憫
又會有人用摒棄的眼光來讓他難堪
看似輕鬆 卻背著比你我更多的憂慮
看似自由 卻受著比他人更多的束縛
生活上出現的逆境
他比任何人都懂得去面對
極端的命運 特殊的身份
他就這樣 用一生來看清這個現實 |
| |
| 從認識到喜歡....如果男女相方相處時偶然發現彼此有共同的興趣....
霎那閒就會即時有一種surprise的感覺....而且也可能令相方更容易成爲戀人。
我有一位朋友J 先生 一直想拍拖 可惜一直波折重重.....
暑假果陣 J先生識到一位女網友: S 小姐 並且對她傾心....
（據J先生所知: 呢位S小姐平常好cool 好冷淡......唯對任何跟鬼神靈異有關的都很感興趣.....
也很中意看鬼古....睇恐怖電影.....呢牌S小姐剛由臺灣返港放暑假....於是J先生即時把握機會)
有一晚J 先生打比我....好興奮咁講 : 我約左佢今個禮拜六出黎見面呀....
我 : 哇 你想溝人呀？ 你唔係話佢好cool既咩....得唔得ga?
J 先生好有信心咁講 : 哈哈哈....我更係有方法啦
要同1個中意靈異事物既女生傾得埋....
我一定都要對呢方面既野產生興趣
並且係佢面前顯示出呢種興趣
我已經做曬 research ga喇.....我仲num住果日同佢去戲院睇果套....
《四...條.......大.....路......》
我 : 《四條大路通陰間》 下化？
J 先生: 係係...是但啦 總之係新上果套泰國恐怖片啦
我 : wow....plan 好曬拿已經.....咁祝你成功啦
禮拜六 J先生跟S小姐的初次約會正式展開:
但是，S 小姐果然同史書記載一樣 : 好cool....好冷漠....
午飯過後...走出餐廳，J先生同S小姐係商場漫步
J先生知道關鍵時刻黎喇！！！
可唔可以令S小姐對自己有個深刻既印象就睇呢一野喇！！！
興奮而又緊張的J先生努力擠出笑容， 然後同S小姐說:
我買左兩張戯飛 不如我地去睇戲丫
S小姐果然夠cool，不為所動...查住佢既唇膏，冷冷的問: 睇咩戲？
J先生答：四條大路通陰道！！！！
S小姐即時嚇1嚇....望住J 先生：你....話咩話？
J先生完全冇意識自己講錯野，一再重復：四條大路通陰道！！！！
S小姐呆呆的望住J 先生....不發一言 .........
J先生以爲自己已經成功打動了S小姐
J先生見此情況... 急住乘勝追擊 要讓S小姐發現大家有著相同的興趣：
係呀，其實我之前冇同你講....我由細到大已經對呢d戲好有興趣ga喇....
我自己都會成日上網穩呢d短片睇ga....
我知道有時可能會被人話變態....不過我偏偏就係好中意呢d野....
我屋企仲有好多有關呢d野既書添....你如果想睇可以問我借ga !!!
S小姐：...................
J 先生約會又失敗了。 |
| |
| 雖然唔係正日14號 不過總覺得成個農曆7月都陰風陣陣
真係冇乜必要都唔好出夜街
不過好衰唔衰 尋晚發現放係shared bathroom支toobrush 比人粒左
問都費事 反正就算係你儸左問你你都會話冇
逼於無奈下.....於是就黎個 "農曆7月夜行買牙刷大冒險"!!
成條街又黑又靜 果然好有農曆7既氣氛 古唔到外國都咁應節
我一d都唔驚 只不過趕住刷牙 所以就用好快既步速向boots/ sainsburry前進
行行下 後面有"人"一野搭落我膀頭 : "喂!!!! "
哇 ~~~~~ 被嚇完下一秒正想另去後面以天馬流行拳作回禮
發現原來係P 先生 算....
勉強微笑 : 喂 P 好耐冇見喇wor 咁夜去邊？
P : 冇 我去個fd度打機 你呢
我 : 我去刷牙....
( 本來想叫佢陪我一齊去sainsburry一趟 不過...都係算 費事耽誤人地行程)
於是又繼續上路
行左3分鐘到 突然閒 黑暗中見到前面有個 "女人"4腳跪左係度.......
冇錯 長頭髮 + 長裙 完全係典型恐怖片既女鬼造型
我停低.....心想 " ..........唔係咁有緣下化?"
果舊野一直跪住係我面前 頭垂低 又唔動 情景相當詭異
記返起以前媽媽教落： 你不犯"人" "人"不犯你 扮見唔到得ga喇
好 我就扮見佢唔到咁行過去 準備好未 3,2,1....行！！
點知呢個時候個女鬼突然企起身.....終于比我見到佢猙獰既面目 塊面勁白
個口勁紅 而且隨口附送1大pet 漿糊係嘴角 滴下滴下.......
哇~~~~!!!!
我既"哇"亦引起佢既注意.....佢見到我!!! 佢見到我了!!!
此時佢慢慢張開佢果個附有1大pet 漿糊既嘴巴.....
"U got a tissue ?!"
我：ye.....ye..............yes...........
我成包tempo 比左呢個咁應節既嘔吐醉酒婆 之後拿拿林掉頭
"農曆7月夜行買牙刷大冒險" 亦完滿結束~~
結果.......果晚我冇刷到牙......... |
| |
